Ka ndërruar jetë në moshën 90-vjeçare futbollisti suedez Kurt Hamrin. Karriera e tij futbollistike njihet për paraqitjet e shkëlqyera për kombëtaren gjatë viteve 50-60, si dhe për performancat me fanellat e Fiorentinës dhe Milanit.
I lindur në Stokholm në vitin 1934, anësori e filloi karrierën e tij profesionale tek AIK përpara se të tërhiqte vëmendjen e Juventusit.
Ndonëse nuk qëndroi gjatë në radhët e “Zonjës së Vjetër”, rruga e çoi në Padova, e më pas në Firence, ku la gjurmë të pashlyeshme.
Gjatë qëndrimit të tij 10 vjeçar në klubin e Firences, Hamrin luajti mbi 300 ndeshje në gara të ndryshme, duke shënuar 208 gola.
