Kryetari i Prishtinës, Përparim Rama, nderoi hero , Ushtarin Italian të KFOR-it, Fabio Carlone, përcjell InLajmi.
Rama njofton se Fabio ka shërbyer me devotshmëri në 6 misione në Kosovë, në njërën prej tyre edhe në Prishtinë, duke treguar guxim dhe përkushtim të palëkundur në çdo hap.
Kreu i Prishtinës tha se Fabio na frymëzon të gjithë neve duke na rikujtuar edhe njëherë se vendosmëria dhe forca shpirtërore mund të triumfojë mbi çdo sfidë.
Ai tutje shton se do të jetë përjetë mirënjohës për shërbimin e tij dhe kontributin në ruajtjen e paqes dhe stabilititet në vendin tonë.
Postimi i plotë i tij:
Sot, Kryeqyteti nderoi një hero, Ushtarin Italian të KFOR-it, Fabio Carlone.
Fabio ka shërbyer me devotshmëri në gjashtë misione në Kosovë, në njërën prej tyre edhe në Prishtinë, duke treguar guxim dhe përkushtim të palëkundur në çdo hap.
Gjatë kohës së tij këtu, Fabio u përball me shumë sfida, një ndër më të mëdhatë duke qenë edhe beteja e tij me një sëmundje të rëndë. Por, me kurajon e shpirtin e tij luftarak, ai jo vetëm që e mundi këtë sëmundje, por edhe vendosi të kthehet në Kosovë për të vazhduar misionin e tij.
Fabio na frymëzon të gjithë neve duke na rikujtuar edhe njëherë se vendosmëria dhe forca shpirtërore mund të triumfojë mbi çdo sfidë.
Përjetë mirënjohës për shërbimin e tij dhe kontributin në ruajtjen e paqes dhe stabilititet në vendin tonë dhe shumë falënderues për mirënjohjen e dhuratën që na solli nga Italia. /InLajmi/
