Ministri i Mbrojtjes Millosh Vuçeviq. Ndërsa ka folur për kthimin e shërbimit ushtarak në Serbi është ndalur edhe tek çshtja e vendimit të Kosovës për ndalimin e pagasave me dinain serb, duke e cilësuar sulm ndaj sigurisë ekonomike, transmeton InLajmi.
Sipas tij, heqja e pagesave në dinarë është sulm ndaj sigurisë ekonomike, që është mesazh i Kurtit për serbët se nuk kanë çfarë të kërkojnë në Kosovë.
Ai theksoi se Beogradi është vazhdimisht i angazhuar në aktivitete diplomatike, se mbrëmë vonë është mbajtur një takim me përfaqësuesit e QUINT-it dhe se bisedimet vazhdojnë edhe sot.
“Nuk na mbetet gjë tjetër veçse të luftojmë për mbijetesën e popullit tonë në Kosovë. Vijat tona të kuqe janë të njëjta dhe uroj që të mos kalohen kurrë. Është më mirë të zhvillohen bisedime, të kërkohet një zgjidhje politikisht, sesa të përfshihet një pjesë tjetër e vendit në zgjidhjen e problemit”, thotë Vuçeviq.
Ai shton se duhet treguar mençuri dhe theksoi se shqiptarët po bëjnë një gabim historik duke përfituar nga populli serb.
I pyetur nëse Kurti do të përballet me pasoja për sjelljen e tij, Vuçeviq thotë se duhet të shohim se cili do të jetë reagimi i komunitetit ndërkombëtar dhe se deklaratat e zyrtarëve amerikanë janë inkurajuese.
“Le të dëgjojmë se çfarë do të thotë presidenti në një ose 2 ditët e ardhshme. Kërkesa ime është që të solidarizohemi dhe të heshtim pak me mençuri derisa vendi po lufton për disa gjëra tjera”, thotë Vuçeviq në RTS.
Ai thekson se është pesimist se bashkësia ndërkombëtare do të ketë sukses ta bindë Kurtin.
“Serbia është e përkushtuar për dialog, Serbia fiton në paqe, Serbia zhvillohet në paqe”, thotë Vuçeviq. /InLajmi/
