YouTuberi i njohur Mrwhosetheboss, i cili i cili njihet për vlerësimet e tij mbi pajisjet teknologjike pretendon se bateria e një telefoni zgjat 94 ditë.
Bëhet fjalë për modelin Oukitel WP19, i cili ka një kamerë 64 megapikselë gjithashtu edhe një kamerë infra të kuqe për natën me 20 megapikselë.
Eksperti i pajisjeve teknologjike pohon gjithashtu se bateria e këtij telefoni është 21.000 mAh, me një kapacitet 5 herë më të madh se modeli iPhone 14 Pro Max.
Ai bëri një test të thjeshtë përmes videos së tij ku lëshoi video në YouTube për të testuar bateritë e të 2 modeleve.
Pas një ore e gjysmë, bateria e iPhone-it ra në 95 %, derisa e telefonit Oukitel ishte 99 %.
Sipas tij, nëse jeni në një telefonatë ose dëgjoni muzikë, bateria e modelit Oukitel mund të zgjasë për 5 ditë. Ndërkaq nëse jeni në standby dhe nuk e përdorni non-stop bateria e këtij modeli mund të zgjasë për 94 ditë, shkruan Alsat.m.
Pra, bazuar në vlerësimin e vlogerit, ky është telefoni me baterinë më të fortë në botë.
