Komuna e Podujevës ka njoftuar se janë bërë homazhe në përvjetorin e 34-të të vdekjes së Elfete Humollit, ku fjalë rasti para mediave mbajtën kryeministri Albin Kurti dhe ambasadori i Shqipërisë në Kosovë, Petrit Malaj, përcjell InLajmi.
Në njoftim thuhet se më 1 shkurt të vitit 1990 në fshatin Lupç të Poshtëm, Elfetja u vra nga forcat serbe, derisa ishte bashkë me demonstruesit duke kundërshtuar regjimin serb i cili po u mohonte të drejtat dhe lirinë e shqiptarëve në vend.
Tutje thuhet në njoftim se heroina Elfete Humolli u përkujtua me nderimet më të larta për guximin dhe aktivizimin në kauzën për liri dhe barazi.
Njoftimi i plotë nga Komuna e Podujevës:
Homazhe në përvjetorin e Heroinës Elfete Humolli
Në përvjetorin e 34-të të vdekjes së heroinës Elfete Humolli, delegacioni nga Komuna e Podujevës, bashkë me kryeministrin e Kosovës, Albin Kurti, ambasadorin e Shqipërisë në Kosovë, Petrit Malaj, deputetë të kuvendit dhe asamblistë, familjen Humolli, familje të dëshmorëve dhe qytetarë kanë bërë homazhe dhe kanë vendosur lule të freskëta te “Kompleksi Memorial i Dëshmorëve Ylfete dhe Mentor Humolli”, në fshatin Lupç i Poshtëm.
Më 1 shkurt të vitit 1990 në fshatin Lupç të Poshtëm, Elfetja u vra nga forcat serbe, derisa ishte bashkë me demonstruesit duke kundërshtuar regjimin serb i cili po u mohonte të drejtat dhe lirinë e shqiptarëve në vend. Andaj, sot heroina Elfete Humolli u përkujtua me nderimet më të larta për guximin dhe aktivizimin në kauzën për liri dhe barazi.
Fjalë rasti para mediave mbajtën; Kryeministri Albin Kurti dhe Ambasadori Petrit Malaj. /InLajmi/
