Ministria e Drejtësisë Albulena Haxhiu, ka kujtuar 34 vjetorin e vdekjes së dëshmores Elfete Humollit, përcjell InLajmi.
Haxhiu tha se Humolli ishte mishërimi i të rinjëve e të rejave të viteve ‘90 që ishin rritur me ëndrrën për lirinë e atdheut, protestat e demostratat e kësaj periudhe ishin përplotë me nxënës të shkollave të mesme, ku vet Elfetja ishte nxënëse e Shkollës së mesme të Ekonomisë.
Tutje ministrja tha se Humolli ishte vetëm 16 vjet kur u vra në fshatin e saj të lindjes, nga forcat agresore serbe, dhe se vdekja e saj ngjalli revoltë të madhe dhe mobilizim të madh për popullin, e në shenjë respekti për të, për dashurinë dhe guximin e saj, varrimi i saj ishte masiv dhe u shëndrrua në demonstratë.
Postimi i plotë i saj:
Sot kujtojmë Elfete Humollin, dëshmoren e Kosovës.
Më 1 shkurt 1990, në Lupç të Poshtëm, pranë shtëpisë së saj ra dëshmore e kombit Elfete Humolli.
Elfete Humolli ishte mishërimi i të rinjëve e të rejave të viteve ‘90 që ishin rritur me ëndrrën për lirinë e atdheut. Mungesa e lirisë dhe represioni serb i kishte bërë që të rriten para kohe. Prandaj, protestat e demostratat e kësaj periudhe ishin përplotë me nxënës të shkollave të mesme. Vet Elfetja ishte nxënëse e Shkollës së mesme të Ekonomisë.
Ishte vetëm 16 vjet kur u vra në fshatin e saj të lindjes, nga forcat agresore serbe. Ajo ishte pjesëmarrëse në shumë demostrata e protesta për të shprehur vullnetin e saj për lirinë e Kosovës dhe kundër Serbisë pushtuese, por në protestën e 1 shkurtit 1990 u qëllua me automatik nga forcat ushtarake policore të Serbisë.
Vdekja e Elfetes, ngjalli revoltë të madhe dhe mobilizim të madh për popullin, e në shenjë respekti për të, për dashurinë dhe guximin e saj, varrimi i saj ishte masiv dhe u shëndrrua në demonstratë.
Lavdi jetës dhe veprës së dëshmorës Elfete Humolli. /InLajmi/
