Deputeti i Vetëvendosjes, Dimal Basha thotë se zgjedhje do të ketë dhe partia e tij vazhdon të jetë triumfuese krahas opozitës.
Basha në një intervistë për GazetaBlic thekson se, AAK e Nisma janë bërë bashkë që ta kalojnë pragun.
Ndërsa, për LDK e PDK thotë se kanë luftë për vendin e 2-të.
“Vazhdojmë të qëndrojmë të parët, gara është për vendin e 2-të. Janë 2 parti politike që janë bërë bashkë me kalu pragun, ndërsa i kemi edhe 2 parti tjera që shtyhen për vendin e 2-të”, tha Basha.
“VV-ja me standardin që ka krijuar, me luftën kundër krimit dhe korrupsionit, luftën për shtrirjen e sovranitetit në veri ka krijuar një standard të ri që po besoj se qytetarët e Kosovës nuk dojnë të kthehen në avazin e tjetër ku i kanë bërë favore Vuçiqit”, shtoi Basha
