Kryetari i Lidhjes Demokratike të Kosovës, Lumir Abdixhiku në takim me ambasadoren e Izraelit në Kosovë, Tamar Ziv, përcjell InLajmi.
Abdixhiku njofton se diskutuan për ngjarjet politike në vend si dhe qëndrimet e LDK-së rreth këtyre ngjarjeve.
Kreu i LDK-së e falënderon ambasadoren izraelite për heqjen e vizave për qytetarët e Kosovës si dhe vlerësoi që thellimi i bashkëpunimit ndërmjet vendeve sidomos për zhvillim ekonomik është i domosdoshëm.
Njoftimi i plotë:
Kryetari i Lidhjes Demokratike të Kosovës, Lumir Abdixhiku ka pritur në takim ambasadoren e Izraelit në Kosovë, Tamar Ziv.
Gjatë këtij takimi, kryetari Abdixhiku dhe ambasadorja Ziv diskutuan për ngjarjet politike në vend si dhe qëndrimet e LDK-së rreth këtyre ngjarjeve.
Kryetari Abdixhiku falënderoi ambasadoren Ziv që shteti i Izraelit ka hequr vizat për qytetarët e Kosovës si dhe vlerësoi që thellimi i bashkëpunimit ndërmjet vendeve sidomos për zhvillim ekonomik është i domosdoshëm. /InLajmi/
