Këshilli për Monitorim, të Drejtat e Njeriut dhe Luftën Kundër Korrupsionit Transparencë, organizatat dhe partnerët e mbledhur rreth tij, i bëjnë thirrje Miroslav Lajçakut që të bëjë gjithçka që është në fuqinë e tij për të mbrojtur serbët dhe joshqiptarët që jetojnë në Kosovë, për t’i dhënë fund persekutimit të vazhdueshëm nga autoritetet e Prishtinës, transmeton InLajmi.
Mario Spasiq, Sekretar i Përgjithshëm i Këshillit, në emër të OJQ-ve të mbledhura, në njoftim për media tha se të drejtat e sebëve në Kosovë shkelen vazhdimisht.
“Është e qartë se të drejtat e serbëve vazhdimisht po shkelen në Kosovë dhe është e rëndësishme që Lajçak të bëjë gjithçka që është e nevojshme për të ndalur persekutimin e vazhdueshëm të serbëve. Është plotësisht e qartë se presidenti Vuçiq, përfaqësuesit politikë të serbëve dhe populli serb vepron drejt në rrethanat e reja dhe përkrah çdo gjë që mund ta përkeqësojë situatën, por është e qartë se persekutimi i autoriteteve të Prishtinës vetëm sa është në rritje”, nënvizoi Spasiq.
Spasiq ka deklaruar se tolerance e serbëve ka një kufi.
“Serbët kanë kufijtë e tyre edhe në tolerancën ndaj persekutimit të vazhdueshëm nga pushteti i Prishtinës dhe është e qartë se kjo duhet të merret parasysh. Është e qartë se presidenti Vuçiq po bën gjithçka për të ruajtur paqen në Republikën e Kosovës, por konstante provokimet mund të eskalojnë në një rebelim spontan dhe të pakontrollueshëm të popullit serb, i cili mund të ketë pasoja të gjëra dhe kjo nuk na nevojitet”, përfundoi Spasiq, shkruan pink.rs.
Spasiq po ashtu ka thënë se OJQ-të nga Serbia do të insistojnë me Komisionin Evropian për t’i dhënë fund persekutimit të serbëve në Kosovë. /InLajmi/
