Ministri i Bujqesise, Pylltarise dhe Zhvillimit Rural Faton Peci ka trguar prioritetet e ministrisë së tij për vitin 2024 në bujqësi, përcjell InLajmi.
Peci tha se viti i kaluar ka qenë një vit i frytshëm dhe i suksesshëm për Ministrinë e Bujqësisë, Pylltarisë dhe Zhvillimit Rural karshi zhvillimit të sektorëve që mbulojmë, duke thënë se me të njejtin përkushtim vazhdojnë edhe këtë vit.
Ministri tha se disa prej prioriteteve të tij gjatë këtij viti do të jenë subvencione për Programin e Pagesave Direkte, rreth 24 milionë euro për Programin për Zhvillim Rural, mbi 16 milionë të destinuara për rritjen e kapacitetit prodhues për sektorin e qumështit dhe mishit, 9 milionë euro përmes grantit të Bankës Botërore, për zhvillimin dhe ngritjen e kapaciteteve të sistemit të ujitje.
Postimi i plotë i tij:
Prioritetet e vitit 2024 në bujqësi!
Viti që lamë pas, ka qenë një vit i frytshëm e tejet i suksesshëm për Ministrinë e Bujqësisë, Pylltarisë dhe Zhvillimit Rural karshi zhvillimit të sektorëve që mbulojmë.
Me të njëjtin përkushtim, vazhdojmë edhe këtë vit!
Këto janë disa nga prioritetet e Ministrisë së Bujqësisë, Pylltarisë dhe Zhvillimit Rural për vitin 2024:
Mbi 41 milionë euro për Programin e Pagesave Direkte /Subvencioneve;
Rreth 24 milionë euro për Programin për Zhvillim Rural / Grante;
Mbi 16 milionë të destinuara për rritjen e kapacitetit prodhues për sektorin e qumështit dhe mishit;
7 milionë euro për fillimin e Procesit të Akreditimit për Qasjen në Fondet e Para Anëtarësimit / IPARD;
9 milionë euro përmes grantit të Bankës Botërore, për zhvillimin dhe ngritjen e kapaciteteve të sistemit të ujitjes;
20.2 milionë euro përmes Marrëveshjes Ndërkombtare me Qeverinë Gjermane (GIZ) për investime në agroturizëm, ekoturizëm dhe zhvillim rural;
Mbi 350.000 euro të dedikuara për pyllëzime;
500.000 euro për realizimin e Kadastrit Pyjor;
Fillon procesi i ndërtimit të Objektit të Ministrisë së Bujqësisë, Pylltarisë dhe Zhvillimit Rural. /InLajmi/
