Kryeministrja e Serbisë, Ana Brnabiq, vlerësoi se në diskutimet në Parlamentin Evropian dhe në Këshillin e Evropës nuk ka pasur kërkesë për hetim ndërkombëtar për zgjedhjet në Serbi, transmeton InLajmi.
“Askush në debatet në Parlamentin Evropian apo Këshillin e Evropës nuk kërkoi një hetim ndërkombëtar. Mund të ketë qenë një ose 2, por nuk ishte kjo pikëpamje mbizotëruese. Ata thanë se nëse ka pasur ndonjë parregullsi, ato duhet të hetohen nga institucionet në Serbi”, tha Brnabiq për televizionin Happy.
Ajo vlerësoi se “asgjë e re nuk do të lexohet” në rezolutën e Parlamentit Evropian për zgjedhjet në Serbi, duke shtuar se është “e pabesueshme” që PE ta votojë atë rezolutë para raportit për zgjedhjet e misionit vëzhgues të ODIHR.
Kryeministri i Serbisë vlerësoi gjithashtu se rezoluta e miratuar nga PE do të përdoret për “presion për legjitimimin e shtetësisë së Kosovës”.
Kujtojmë se Parlamenti Evropian në seance plenare, pas debatit me 17 janar do të debatoj edhe një herë për zgjedhjet në Serbi, në shkurt ku pritet miratimi i një rezolutë për këtë çështje, në një seancë plenare që do të mbahet në muajin shkurt./InLajmi/
