Ish kryeministri i Kosovës, Avdullah Hoti, njofton se së shpejti qyterët e Kosovës mund të udhëtojnë pa viza ne Izrael, përcjell InLajmi.
Hoti thekson se këtë njohje e pranoi sa ishte kryeministër duke theksuar se është një mundësi për qytetarët dhe bizneset t’i shkëmbejnë përvojat e tyre.
Tutje shton se kërkesa e parë në vizitën në Izrael si Grup i Miqësisë kërkuan heqjen e vizave për qytetarët.
Postimi i plotë i tij:
Së shpejti udhëtojmë pa viza ne Izrael.
Jam i lumtur që sa isha Kryeministër e pranuam njohjen nga Izraeli dhe tash si Kryetar i Grupit të Miqësisë Kosovë-Izrael ta marrë lajmin se së shpejti lëvizim pa viza në Izrael. Si Grup i Miqësisë kemi punuar shumë që të thellojmë bashkëpunimin ekonomik dhe diplomatik me Izraelin. Ndër kërkesat e para në vizitën që kishim në Izrael si Grup i Miqësisë kërkuam heqjen e vizave për qytetarët tanë. Kjo është një mundësi për qytetarët dhe bizneset t’i shkëmbejnë përvojat e tyre.
Zoti e bekoftë Republikën e Kosovës dhe miqtë e saj!/InLajmi/
