Kryetari i Lidhjes Demokratike të Kosovës, Lumir Abdixhiku mirëpret në takim ambasadorin britanik, Nick Abbott ku dhe i dhuron një helmetë ilire, përcjell InLajmi.
Këtë dhuratë Abdixhiku e dhuroi me qëllim që ta mbajë si rikujtim nga Kosova si dhe rikujtim të bashkëpunimit të ngushtë që kishim me Lidhjen Demokratike.
Tutje shton se mbështetja e Mbretërisë së Bashkuar është shtyllë e sigurisë sonë kombëtare dhe se për këtë, populli i Kosovës, do të jetë mirënjohës gjithnjë.
Postimi i plotë i tij:
Ambasadorin britanik, Nick Abbott e prita në takimin lamtumirës, në Selinë Qendrore të LDK-së.
I dhurova një helmetë ilire, që ta mbajë si rikujtim Kosove e rikujtim të bashkëpunimit të ngushtë që kishim me Lidhjen Demokratike. Me ambasadorin britanik dhe familjen e tij, përveç relacioneve zyrtare kam pasur nderin të zhvillojë dhe miqësi të veçantë. Ishte gjithnjë i matur dhe i ndjeshëm; ishte gjithnjë i përkushtuar për çdo angazhim tonin.
E falënderova për punën e tij 4 vjeçare në Kosovë. Si një diplomat me përvojë e si një mik i madh i vendit, ai mirëmbajti relacionet mes shteteve tona me plot kujdes e vullnet të mirë. Shfrytëzova rastin dhe ta falënderojë në veçanti për deklaratën e Sekretarit, Cameron gjatë vizitës së tij në Kosovë, si garancë për Republikën tonë, të lirë e sovrane. Mbështetja e Mbretërisë së Bashkuar është shtyllë e sigurisë sonë kombëtare. Për këtë, populli i Kosovës, do të jetë mirënjohës gjithnjë!/InLajmi/
