Kryetari i Partis Demokratike së Kosovës, Memli Krasniqi, uron kryeministrin e sapo emëruar të Maqedonisë së Veriut, Talat Xhaferin, përcjell InLajmi
Krasniqi thekson se përpjekjet e shqiptarëve për barazi, drejtësi e faktorizim po kulmojnë me kryeministrin e parë shqiptar në histori të shtetit.
Po ashtu ka përgëzuar dhe kryetarin e BDI-së, Ali Ahmetin, për punën e tij në ngritjen e shqiptarëve.
Tutje i uron punë të mbarë dhe suksese, Xhaferit.
Postimi i plotë i tij:
Urime Kryeministër, Talat Xhaferi!
Sot, në këtë ditë historike, të krenarisë dhe emocioneve të larta, i uroj mikut tim, Talat Xhaferit, emërimin si Kryeministër i Qeverisë në Republikën e Maqedonisë së Veriut.
Sot, i uroj të gjithë shqiptarët e Maqedonisë së Veriut, që përpjekjet e tyre shekullore për barazi, drejtësi e faktorizim, po kulmojnë me kryeministrin e parë shqiptar në histori të këtij shteti.
Sot, mbi të gjitha, është dita për të përgëzuar edhe liderin e shqiptarëve në këtë shtet, heroin e luftës dhe paqes, Ali Ahmetin, i cili, me maturinë dhe vizionin e tij luajti rolin kryesor në ngritjen e shqiptarëve dhe realizimin e kësaj të arriture historike.
Nuk kam dyshimin më të vogël se, me eksperiencën, përkushtimin dhe përgatitjen e tij, Talat Xhaferi do të jetë një Kryeministër i mirë, i drejtë dhe kredibil për të gjithë qytetarët e Maqedonisë së Veriut në mandatin e tij.
Punë të mbarë dhe suksese, mik.
Urime të gjithëve!/InLajmi/
