Kryetar i Aleancës për Ardhmërinë e Kosovës Ramush Haradinaj, ka kujtuar viktimat e Holokaustit, duke thënë se bota sot kujton dhe përulet para miliona viktimave të Holokaustit, përcjell InLajmi.
Haradinaj tha se me hebrenjtë ndajmë fat të ngjashëm historik, andaj dhe bashkëndjejmë me dhembjen e tyre, e ndjejmë më së miri ne që kemi përjetuar edhe vet gjenocidin.
Tutje ai u shpreh se në kohë jo të lehta, shqiptarët u radhitën drejt. Ata rrezikuan, mbrojtën të pambrojturin duke i strehuar dhe duke mos rënë pre e të keqes së madhe të Luftës së Dytë Botërore.
Postimi i plotë i tij:
Bota sot kujton dhe përulet para miliona viktimave të Holokaustit.
Me hebrenjtë ndajmë fat të ngjashëm historik, andaj dhe bashkëndjejmë me dhembjen e tyre, e ndjejmë më së miri ne që kemi përjetuar edhe vet gjenocidin. Në kohë jo të lehta, shqiptarët u radhitën drejt. Ata rrezikuan, mbrojtën të pambrojturin duke i strehuar dhe duke mos rënë pre e të keqes së madhe të Luftës së Dytë Botërore.
I përjetshëm kujtimi për viktimat e Holokaustit. /InLajmi/
