Presidentja e Kosovës, Vjosa Osmani ka uruar Ditën e Australisë, qytetarëve të këtij shteti, ndërsa kujton miqësinë e qëndrueshme të Kosovës me këtë shtet, përcjell InLajmi.
Ajo tha se Kosova me Australinë ndajnë jo vetëm një miqësi të qëndrueshme, por edhe një lidhje të thellë, e cila tha ajo është krijuar nga angazhimi i përbashkët ndaj demokracisë dhe të drejtave të njeriut.
“Gëzuar Ditën e Australisë për të gjithë njerëzit e mrekullueshëm të Australisë! Vendet tona ndajnë jo vetëm një miqësi të qëndrueshme, por një lidhje të thellë të krijuar nga angazhimi ynë i përbashkët ndaj demokracisë dhe të drejtave të njeriut. Jemi për të vazhduar forcimin e lidhjeve tona për vitet në vijim!”, u shpreh presidentja Osmani. /InLajmi/
