Mungesa e investimeve kapitale dhe mos përfundimi i projekteve rrugore gjatë qeverisjes së LVV-së shkaktuan një valë reagimesh dhe akuzash në drejtim të Qverisë.
Ndërkohë, ministri i infrastrukturës, Liburn Aliu u zotua se deri në fund të vitit 2024 shumica e projekteve infrastrukturore do të përfundohen. Ndërkohë që qytetarët të cilët frekuentojnë rrugën Prishtinë-Gjilan ngrehin dyshimet e tyre për manipulime me fonde publike.
Në anën tjetër njohës të fushës së ekonomisë thonë se flasim për rëndësinë që kanë këto rrugë ndërsa shprehen skeptik se do të mund të përfundojnë në afatin për të cilin flet ministri i infrastrukturës.
Punimet në autostradën e Gjilanit filluantash e sa vjet dhe pritej të përfundonin në vitin 2023 por një gjë e tillë nuk ndodhi, ndërkohë edhe shumë rrugë të tjera nëpër komuna të ndryshme të Kosovës janë në gjendje pothuajse të njejtë madje ka rrugë që punimet i nisën mbi një dekadë më herët, por cilat janë arsyetimet e institucioneve dhe kur thonë se do t’i përfundojnë ato.
“Po besojmë se do t’i përfundojnë pas shumë problemve deri në fund të vitit 2024”, tha ministri i Infrastrukturës, Liburn Aliu.
Në anën tjetër, banorët, të cilët jetojnë në afërsi të autostradës Prishtinë-Gjilan, flasin për vuajtjet që i kanë përjetuar gjatë punimeve në këtë aks rrugor.
“Ktu veç hajni tjetër ska, që 5 vjet mos me u përfundu ska tjetër fjalë përveç hajni”, tha për RTV21 një qytetar.
“Po qysh nuk na shkakton telashe, po prishen kerret, amortizerat, pluhën, po me shtaga e kisha maru që 5 vjet”, tha një tjetër qytetar.
Përveç autostradës së Gjilanit në gjendje pothuajse të njëjte janë edhe rrugët Prishtinë- Mitrovicë, Prishtinë- Podujevë, dhe autostrada e Dukagjinit, e cila me ardhjen e LVV-së në pushtet është anuluar, ndërsa në këtë rajon është vendosur të bëhet vetëm zgjerim i rrugëve. Ndryshe nga akuzat e pushtetit aktual i cili fajësoi qeverisjet paraprake, ish ministri i financave, Haki Shatri, fajin ia hedh kësaj Qeveria pse nuk vazhdojë projektet.
“Po këta edhe bora kur po i nxen pa pregaditë po lajnë fajin qeverive të kaluara, është për tu habitë qysh buxheti mbetet 800 milionë euro kur projetket skanë përfundu pse nuk u shtua buxheti, po edhe kraht me jau dhanë se smunden me i përfundu deri në vitin 2024 gjithë këto punë që kanë mbetë”, tha për RTV21 Haki Shatri, ish- ministër i financave.
Profesori i ekonomisë, Muhamet Sadiku, ndërkaq, vë në dukje rëndësinë e përfundimit të këtyre projekteve.
“Investimet kapitale janë kurrizi i një shteti, këto kanë rëndësi të veçant për të ju dalë në ndihmë biznesve dhe qarkullimit më të mirë, ndërkohë që Kosova duhet të krijoj një imazh të vet tek bashkësia ndërkombëtare në mënyrë që të përafrohet me BE-në”, tha Sadiku
Ekspertët e ekonomisë vazhdimish kanë kritikuar qeverinë Kurti, për, siç thonë, koncentrim të buxhetit në skema sociale dhe jo në projekte zhvillimore
