Anëtari i Kryesisë së Partisë Demokratike të Kosovës, Adri Nurellari, thotë se çështja e dialogut mes Kosovës dhe Serbisë është minimizuar, si dhe reduktuar.
Nurellarit, Qeveria aktuale e Kosovës iu duket e papërgjegjshme, duke thënë se duhet të paguajë kosto për ta riparuar dëmtimin e raporteve me partnerët ndërkombëtarë.
“Çështja e dialogut është minimizuar dhe reduktuar në një temë të mundimshme dhe të pafund. Në qoftë se para 2 vjetësh ne kishim letra që vinin nga zyrtarët më të lartë të SHBA-së që flisnin për një dialog që do të çonte drejtë njohjes, tashmë po flitet për një dialog që po zvarritet në një kohë të pa definuar dhe Asociacioni nuk është tashmë një çështje që Kosova do ta gëlltisi në këmbim të njohjes formale, pra të mbylljes një herë e mirë të kapitullit, por mesa duket është një qeveri e papërgjegjshme, është një kosto që duhet ta paguajë për ta riparuar dëmtimin e raporteve me partnerët ndërkombëtarë”, tha ai në emisionin “Ditari”, të TËVË1.
Anëtari i PDK-së thotë se do të ketë vështirë për negocim mes palëve, derisa Kosova nuk ka një propozim formal të draft-statutit.
“Së pari, ky është një gabim i akumuluar i qeverisë, së 2-ti duhet parë një gabim tjetër më thelbësor që është mungesa e një propozimi të një draft-statuti nga qeveria. Pra, kokëfortësia për të propozuar një draft-statut, i cili do t’i bënte të qarta pozicionet e Kosovës i ka lënë arsye dhe justifikim palëve të huaja dhe partnerëve të huaj që të propozojnë draftet e tyre. Kjo e bën të vështirë negocimin e tyre, sepse Kosova nuk ka një propozim formal të vetin”, deklaroi ai.
Ai thotë se “fatkeqësisht, Kosova është duke pësuar edhe duke bartur një kosto si pasojë e kompleksëve të kryeministrit Kurti për të kaluar në veti”.
Për vazhdimin e dialogut Kosovë-Serbi ende nuk është paralajmëruar asnjë datë.
