Deputeti nga radhët e Lidhjes Demokratike të Kosovës, Avdullah Hoti, kritikon qeverisjen aktuale për politika zhvillimore, ndërsa kërkon përgjigje nga Qeverina se kur do të zhbllokohen 295 milionë euro fonde për Kosovën nga Bashkimi Evropian, përcjell InLajmi.
Hoti, ka përmendur edhe shumë mjetet të tjera të bllokuara, ndërsa veçon edhe fondin prej 7 milion euro për mbështetja e institucioneve të ndryshme për t’iu qasur politikave dhe legjislacionit me standardet e BE-së si dhe zbatimi i marrëveshjeve nga dialogu i lehtësuar nga BE-ja ndërmjet Kosovës dhe Serbisë.
Tutje ai ka kërkuar për fondin 295 milion euro fonde për Kosovën nga Bashkimi Evropian, nga Qeveria në Komisionin Parlamentar.
Hoti, kujton edhe sanksionet e BE-së ndaj Kosovës, duke “fajësuar” qeverin edhe për pranimin e asociacionit.
Postimi i plotë i tij:
Kur do të zhbllokohen 295 mil euro fonde për Kosovën nga Bashkimi Evropian? Këtë përgjigje duhet dhënë Qeveria në Komisionin Parlamentar.
Çfarë politike e Qeverisë është kjo: edhe sanksionet i bartim, edhe asociacionin e pranojmë bashkë me zgjedhjet e reja në veri.
Ja lista e projekteve të bllokuara:
92 mil euro: rrjeti i ujësjellësit dhe kanalizimeve të Prishtinës
9.95 mil euro: menaxhimi i mbeturinave dhe ekonomisë rrethore
9 mil euro: menaxhimi i integruar ndërkomunal i mbeturinave në rajonin e Dukagjinit
7.2 mil euro: përmirësimi i rrjetit të transmisionit, faza VII
7 mil euro: mbështetja e institucioneve të ndryshme për t’iu qasur politikave dhe legjislacionit me standardet e BE-së si dhe zbatimi i marrëveshjeve nga dialogu i lehtësuar nga BE-ja ndërmjet Kosovës dhe Serbisë.
6 mil euro: mbështetja e kthimit të komuniteteve dhe ri-integrimi i tyre në shoqëri
3 mil euro: efikasiteti energjetik në ndërtesat publike në komuna
3 mil euro: qasje e barabartë e vajzave dhe djemve romë, ashkali dhe egjiptianë në arsimin para fillor, fillor dhe të mesëm
2.5 mil euro: përmirësimi i përfshirjes sociale për gratë dhe burrat nga komunitetet jo-shumicë në Kosovë
2 mil euro: rrjeti për grumbullimin e kanalizimeve dhe ujërave të stuhisë në Prishtinë
1 mil euro: programe të vullnetarizmit për të rinjtë dhe të rejat.
0.8 mil euro: përkrahja e profesioneve juridike
0.35 mil euro: studimi i fizibilitetit për impiantin e ujërave të zeza në Ferizaj
0.35 mil euro: studimi i fizibilitetit për impiantin e ujërave të zeza në Podujevë./InLajmi/
