Shefi i Delegacionit të Bashkimit Evropian, Emanuele Joffre, tha se pritet përparim në normalizimin e marrëdhënieve ndërmjet Serbisë dhe Kosovës në fillim të këtij viti, transmeton InLajmi.
“Bisedimet po vazhdojnë dhe ne të gjithë presim që në fillim të vitit 2024 të arrijmë përparim në zbatimin e Marrëveshjes për rrugën drejt normalizimit, me kusht që të 2 palët të tregojnë vullnetin, e nevojshëm politik e guximin e udhëheqësve për ta bërë këtë”, tha ai për Nedelnjik.
Joffre vuri në dukje gjithashtu se zgjerimi i BE-së doli të ishte një “përgjigje kyçe ndaj luftës së agresionit të Rusisë”.
“Kjo i jep një mundësi të re Ballkanit Perëndimor dhe Serbia nuk duhet ta humbasë këtë”, tha ai.
Ai përkujtoi se nga viti 2010 deri në vitin 2022, 59 % e investimeve të huaja direkte në Serbi kanë ardhur nga kompanitë me bazë në BE dhe se ato kanë arritur në 20.3 miliardë euro.
“Së 2-ti, Serbia në 10 vitet e fundit ka marrë më shumë se 4 miliardë euro ndihmë financiare të pakthyeshme nga BE-ja. Rezultatet mund të shihen në të gjithë Serbinë”, tha ai.
Ai gjithashtu theksoi se përmes procesit të reformave në Serbi ka pasur reforma të rëndësishme, por se ka ende shumë për të bërë, shkruan Danas.
“Duhet të bëhen më shumë përpjekje në luftën kundër korrupsionit dhe krimit të organizuar, bashkëpunimi midis qeverisë dhe shoqërisë civile duhet të përmirësohet dhe liria e shprehjes dhe liria e medias duhet të garantohet” tha Joffre. /InLajmi/
