Kryetari i Aleancës për Ardhmërinë e Kosovës, Ramush Haradinaj, njofton se në Mitrovicë me kolegët nga Aleanca bashkëbiseduan për zhvillimet politike në vend, çështjet e sigurisë dhe proceset e brendshme organizative, përcjell InLajmi.
Haradinaj e falënderon kryetarin, Qazim Nimani, Fitore Gërxhaliun dhe të gjithë për punën dhe angazhimin.
Po ashtu shprehet i kënaqur që qëndroi në familjen e veteranit të UÇK-së, Deli Maliqi.
Tutje shtoi se vizioni i qartë politik i Aleancës është e vetmja ofertë serioze për vendin, që e ka në fokus shtetin e fortë, të sigurt dhe ekonomikisht të zhvilluar.
Postimi i plotë i tij:
Në Mitrovicë, me kolegët nga Aleanca bashkëbiseduam për zhvillimet politike në vend, çështjet e sigurisë dhe proceset e brendshme organizative.
Me këtë rast, shpreha falënderimin ndaj kryetarit, Qazim Nimani, koordinatores së Aleancës së Gruas, Fitore Gërxhaliu dhe gjithë kolegëve për punën dhe angazhimin, që Degës së Aleancës i ka sjellur energji të re në funksionim dhe organizim. Kënaqësi ishte bashkëbisedimi me Korab Begollin, me profesion Arkitekt, si dhe qëndrimi në familjen e veteranit të UÇK-së, Deli Maliqi, ku me gjithë familje, bashkëluftëtarë e miq nga sot i bashkohen Aleancës.
Vizioni i qartë politik i Aleancës është e vetmja ofertë serioze për vendin, që e ka në fokus shtetin e fortë, të sigurt dhe ekonomikisht të zhvilluar./InLajmi/
