Gjykata e Apelit ka lënë në fuqi masën e sigurisë “arrest shtëpie” për ish-kryeministrin Sali Berisha. 2 ditë më parë, fill pasi SPAK rrëzoi kërkesën e Sali Berishës për leje që të marrë pjesë në seancat plenare, avokatët Sokol Mëngjesi dhe Genc Gjokutaj, kanë animuar vendimin.
Kujtojmë se, GJKKO caktoi masën e sigurisë “arrest shtëpie” ndaj Sali Berishës më 30 dhjetor dhe ish-kryeministri nuk ishte i pranishëm në seancën e parë parlamentare pas festave të fundvitit, që u zhvillua të hënën më 15 janar, shkruan A2CNN.
Berisha është në hetim për veprën penale të korrupsionit, së bashku me dhëndrin e tij, Jamarbër Malltezi, i cili akuzohet nga SPAK se ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt, falë vendimeve të qeverisë të marra nga vjehrri i tij.
