Zëvendësministri i Ministrisë së Mjedisit, Planifikimit Hapësinor dhe Infrastrukturës, Hysen Durmishi, njofton se ka marrë vendim për shkëputje të marrëdhënies së punës për 3 ekzaminerë të angazhuar në departamentin për patentë shofer, shkruan InLajmi.
Durmishi ka thënë se këtë veprim e ka bërë pas informatave për dyshime të bazuara në keqpërdorime të mëdha në procesin e punës.
Postimi plotë i tij:
Të dashur qytetarë,
Sot kam nxjerrë vendim për shkëputje të marëdhënies së punës për 3 ekzaminer të angazhuar në departamentin për Patentë shofer.
Këtë veprim e kam bërë pas informatave për dyshime të bazuara në keqpërdorime të mëdha në procesin e punës.
Ditëve në vazhdim do të prezentojmë të gjitha të gjeturat që lidhen me keqpërdorime shumë të mëdha në njësitë për patentë shofer gjithandej Kosovës./InLajmi/
