Profesori amerikan Daniel Serwer tha sot se qeveritë perëndimore, Bashkimi Evropian dhe SHBA nuk shohin një “alternativë politike funksionale” në Serbi, transmeton InLajmi.
“Është shumë e trishtueshme sepse në Beograd ka një alternativë nëse zgjedhjet do të përsëriten nën kontroll të rreptë. Perëndimi udhëhiqet nga një politikë e mbylljes së syve”, tha për televizionin N1 profesori amerikan dhe ekspert i çështjeve të Ballkanit.
Server tha se BE-ja, Komisioni Evropian dhe administrata në Uashington po përpiqen me kujdes të injorojnë mashtrimin që u bë në zgjedhjet e dhjetorit, sepse po llogarisin në faktin se presidenti i Serbisë, Aleksandar Vuçiq, do të “dorzojë Kosovën” me qetësi. Organet ekzekutive të vendeve perëndimore varen nga Vuçiqi dhe është vendimi i tij për t’iu drejtuar Perëndimit, gjë që ai nuk do ta bëjë “Mbreti është lakuriq,” tha Server.
Server tha se Qeveria e Serbisë mund të vendosë për normalizimin e marrëdhënieve me Kosovën pa e njohur zyrtarisht pavarësinë e saj dhe shtoi se do të ishte mirë për Beogradin, por edhe për serbët në Kosovë sepse do të ketë më shumë tregti.
“Për shembull, Greqia tani ka zhvilluar marrëdhënie të mira fqinjësore me Kosovën pa njohje reciproke. Është e mundur të keni marrëdhënie të mira dhe madje të nënshkruani marrëveshje të ndryshme pa asnjë angazhim. Por në Serbi nuk ka vullnet për këtë”, tha ai.
Profesori tha se Vuçiq nuk ka përmbushur gjithçka nga marrëveshja me Kosovën dhe se politika në Serbi është aq antishqiptare “saqë bëhet qesharake”,
“Ai nuk kërkoi falje për incidentin në Banjska, nuk kërkoi falje për ngjarjet që ndodhën në kohën e Sllobodan Millosheviqit, askush nuk kërkoi falje për përdhunimin e mijëra grave shqiptare në Kosovë”, tha Server. /InLajmi/
