Anëtari i Kryesisë së Lidhjes Demokratike të Kosovës Berat Rukiqi, në një konferencë për media ka thënë dështimet që janë duke i bërë Qeveria e Kosovës në shumë fusha po i përdorin si suksese rekorde, raporton InLajmi.
Për këtë ai ka thënë se kanë vendosur ta quajnë “Qeveri e paaftë dhe krenare me të”.
Rukiqi tha se dështimet për të cilat po flasim e kanë burimin e kësaj qeverie, me rëndësi është që të njëjta po vinë me faturë të shtrenjtë e që po paguhen nga qytetarët e vendit.
“Dështimet për të cilat po flasim e kanë burimin e kësaj qeverie, me rëndësi është që të njëjta po vinë me faturë të shtrenjtë e që po paguhen nga qytetarët e vendit”, u shpreh ai.
Anëtari i Kryesisë së LDK-së tha se kryeministri vazhdon ti paraqes si rekorde dështimet si inflacioni në bazë vjetore me rritje 4.9%.
Tutje ai tha se inflacioni ishte i pashmangshëm si shkak i ndryshimeve globale, por në vend do ishte më ndryshu nëse qeveria do kishte vullnet adresimin e saj bazuar tek qytetarët.
“E thash që kryeministri vazhdon ti paraqes si rekorde dështimet si Inflacioni në bazë vjetore me rritje 4.9%. Inflacioni ishte i pashmangshëm si shkak i ndryshimeve globale, por në vend do ishte më ndryshu nëse qeveria do kishte vullnet adresimin e saj bazuar tek qytetarët”, deklaroi Rukiqi. /InLajmi/
