Kryetari i Partisë Demokratike të Kosovës Memli Krasniqi, ka pritur Shefin e Zyrës së BE-së në Kosovës, Tomas Szunyog, Ambasadorin e Francës, Olivier Guerot, Ambasadorin e Gjermanisë, Jorn Rohde dhe Ambasadorin e Italisë, Antonello De Riu, përcjell InLajmi.
Krasniqi njoftoi se në këtë takim u diskutua për zhvillimet e përgjithshme në Kosovë me theks të veçantë ato politike dhe të sigurisë.
Tutje tha se i ka falënderuar ambasadorët evropianë për përkushtimin dhe kontributin e tyre në kultivimin e paqes, sigurisë dhe stabilitetit në Kosovë.
Kreu i PDK-së tha se kur Kosova po kalon nëpër sfida të natyrave të ndryshme, partia e tij do të luaj rolin e saj konstruktiv që i shërben interesit qytetar dhe të ardhmes euro-atlantike të shtetit tonë.
Postimi i plotë i tij:
Sot, në selinë e Partisë Demokratike të Kosovës prita Shefin e Zyrës së BE-së në Kosovës, Tomas Szunyog, Ambasadorin e Francës, Olivier Guerot, Ambasadorin e Gjermanisë, Jorn Rohde dhe Ambasadorin e Italisë, Antonello De Riu.
Në takimin e përbashkët diskutuam për zhvillimet e përgjithshme në vendin tonë, me theks të veçantë ato politike dhe të sigurisë. Ambasadorët evropianë i falënderova për përkushtimin dhe kontributin e tyre në kultivimin e paqes, sigurisë dhe stabilitetit në Kosovë dhe i sigurova se edhe sot, kur Kosova po kalon nëpër sfida të natyrave të ndryshme, PDK do të luaj rolin e saj konstruktiv që i shërben interesit qytetar dhe të ardhmes euro-atlantike të shtetit tonë. /InLajmi/
