Nuk pres që dikush nga jashtë të gjykojë vullnetin e popullit tim, tha sot presidenti serb Aleksandar Vuçiq. Kështu u shpreh Vuçiq para gazetarëve pas vizitës në kantierin e ndërtimit të qendrës së inovacionit në Lozhionica, duke iu përgjigjur pyetjes nëse do të pranonte një hetim për zgjedhjet në Serbi nga institucionet evropiane, transmeton InLajmi.
“Ti thua se po presim…nuk pres asgjë fare. Unë prisja rezultatet e zgjedhjeve në datën 17 dhjetor kur kishim zgjedhjet. Dhe kjo ishte e rëndësishme për mua. Nuk pres askënd nga jashtë për të bërë gjykim për vullnetin e popullit tim. Për mua gjykimi i popullit tim me rëndësi vendimtare, jo gjykimi i fuqive te mëdha që duan të përmbysin vendin tim. Për arsye të ndryshme. Sepse nuk u pelqen qëndrimi ynë ndaj Kosovës, sepse nuk u pëlqen qëndrimi ynë ndaj Rusisë, Kinës dhe shumë çështjeve tjera”, tha Vuçiq, shkruan pink.rs
Vuçiq po ashtu tha se nuk vihet re që ai (nga opozita) quhet “Hitler, përbindësh, vrasës, dementor, kriminel, majmun, i çmendur, se po ma shajnë nënën time” dhe se asnjëherë nuk është bërë pyetja pse e bëjnë këtë dhe pse ofendojnë 1.8 milion njerëz./Inlajmi/
