Kryetari i Aleancës për Ardhmërinë e Kosovës, Ramush Haradinaj, takon Ministrin për Çështje Evropiane të Republikës së Çekisë, z. Martin Dvořák ku biseduan për zhvillimet politike në të cilat po kalon vendi ynë dhe rajoni, përcjell InLajmi.
Haradinaj e falënderon për mbështetjen që Republika e Çekisë i ka dhënë vendit tonë në shtet-ndërtim.
Gjithashtu i kërkon përkrahjen e tij dhe te shtetit çek në aspiratën për integrim evropian e veçmas në synimin tonë për anëtarësimin në NATO.
Haradinaj thekson domosdoshmërinë e largimit të sanksioneve nga ana e Bashkimit Evropian për Kosovën, për t’i hapur rrugë zhvillimit dhe ngritjes së mirëqenies në vend.
Postimi i plotë i tij:
Takova Ministrin për Çështje Evropiane të Republikës së Çekisë, z. Martin Dvořák, me të cilin bisedova për zhvillimet politike në të cilat po kalon vendi ynë dhe rajoni.
E falënderova për mbështetjen që Republika e Çekisë i ka dhënë vendit tonë në shtet-ndërtim dhe vazhdon ta japë në proceset në të cilat ndodhemi.
Gjithashtu, kërkova nga z. Dvořák përkrahjen e tij dhe te shtetit çek në aspiratën tonë për integrim evropian e veçmas në synimin tonë për anëtarësimin në NATO.
Ritheksova domosdoshmërinë e largimit të sanksioneve nga ana e Bashkimit Evropian për Kosovën, për t’i hapur rrugë zhvillimit dhe ngritjes së mirëqenies në vend./InLajmi/
