Avokati Tomë Gashi, njofton se qytetarët kanë vendosur që të hapin një fond, për t’i dalë në ndihmë vëllait dhe motrës së 18 vjeçarit, Lulzim Fejzullahu i cili u vra nga 2 të mitur, përcjell InLajmi.
Gashi thekson se Fejzullahu siç e njihnin të gjithe, ishte jetim ngase të 2 prinderit, më herët, kishin vdekur.
Po ashtu tregon se familja e Lulzimit gëzonte një ndihmë financiare në shumë prej 110 euro nga institucionet shteterore.
Tutje njofton se tani, pa Fejzullahun, motra dhe vellai i tij mbeten pa kryefamiljarin që i mbante me paratë e realizuara nga puna.
Postimi i plotë i tij:
Lulzim Fejzullahu, 18 vjeçar, nga Besiana, u vra ne menyre mizore nga 2 te dyshuar te cilet tashme jane te arrestuar dhe ne paraburgim.
Lulzimi, apo Luli siç e njihnin te gjithe, ishte jetim ngase te 2 prinderit, me heret, kishin vdekur.
Luli ishte mbajtes i familjes dhe si 18 vjeçar punonte ne nje lokal te ushqimit te shpejte (fast food). Me pagen e tij, Luli i mbante 2 anetare te tjere te familjes – motren dhe vellain – te cilet, per arsye shendetesore, nuk mund te punojne.
Familja (e Lulit) gezonte nje ndihme financiare ne shumen prej EUR 110 nga institucionet shteterore.
Tani, pa Lulin, motra dhe vellai i tij mbeten pa kryefamiljarin qe i mbante me parate qe realizonte nga puna.
Qytetare me vullnet te mire kane vendosur qe te hapin nje fond bamires per familjen e Lulit. Qasja dhe destinini i parave qe do te grumbullohen ne kete fond shkon vetem per motren dhe vellain e Lulit./InLajmi/
