Tiago Djalo edhe zyrtarisht është lojtari më i ri i Juventusit.
Klubi italian ka zyrtarizuar sonte transferimin e tij nga Lille.
Mbrojtësi portugez ka nënshkruar kontratë të vlefshme deri në verën e vitit 2026.
Sipas raportimeve, Juventusi në total do të paguajë 3.6 milionë euro për 23-vjeçarin. Kjo shifër do të paguhet në 3 këste.
1.5 milionë euro të tjera do të paguhen në formë të bonuseve.
Ka gjithashtu bonuse të tjera prej maksimumi 2.6 milionë euro nëse arrihen kushte dhe objektiva të caktuara sportive, shkruan Lajmi.net.
Sipas ekspertit, Fabrizio Romano, ekziston gjithashtu një klauzolë që lejon një zgjatje të kontratës deri në qershor 2028. Kjo do të vendoset nga klubi.
