Kryetari i Aleancës për Ardhmërinë e Kosovës, Ramush Haradinaj mirëpret në takim lamtumirës Ambasadorin e Mbretërisë së Bashkuar, Nicholas Abbott, përcjell InLajmi.
Haradinaj thekson se roli i Mbretërisë së Bashkuar ka qenë jetik jo vetëm në lirinë e Kosovës por edhe në zhvillimin e saj, ajo edhe sot vazhdon të jetë ndër faktorët kyç në paqen dhe stabilitetin e Kosovës dhe të rajonit.
Kreu i AAK-së në shenjë respekti për kontributin e tij i ndanë mirënjohjen “ME BESIM NË ZOT, ATDHE E SHTET”.
Postimi i plotë i tij:
Roli i Mbretërisë së Bashkuar ka qenë jetik jo vetëm në lirinë e Kosovës por edhe në zhvillimin e saj. Mbretëria e Bashkuar edhe sot vazhdon të jetë ndër faktorët kyç në paqen dhe stabilitetin e Kosovës dhe të rajonit.
Sot, prita në takim lamtumirës Ambasadorin e Mbretërisë së Bashkuar, z. Nicholas Abbott, të cilin e falënderova për gjithë angazhimin e tij.
Me këtë rast, në shenjë respekti për kontributin e tij si Ambasador i Mbretërisë së Bashkuar, z. Abbott i ndava mirënjohjen “ME BESIM NË ZOT, ATDHE E SHTET”./InLajmi/
