Kryeministri i Kosovës, Albin Kurti, i shoqëruar nga kryetari i Podujevës Shpejtim Bulliqi, dhe ministrat Xhelal Sfeçla dhe Albulena Haxhiu, shkuan tek familja Fejzullahu për humbjen e familjarit të tyre Lulzimit, përcjell InLajmi.
Bulliqi thekson se ndamë dhimbjen me familjen dhe të afërmit, si dhe ju shprehëm mbështetjen tonë të plotë për tejkalimin e kësaj dhimbjeje që na pikëlloi thellësisht të gjithëve.
Tutje uron që drejtësia ta thotë fjalën e saj në mënyrë meritore.
Postimi i plotë i tij:
Bashkë me kryeministrin Albin Kurti, ministrat Albulena Haxhiu dhe Xhelal Sfeçla, deputetin Fitim Haziri, veprimtarin dhe ish-kryetarin e Komunës Ilaz Pireva, drejtorë komunal dhe zyrtarë të tjerë ishim për ngushëllime tek familja Fejzullahu për humbjen e familjarit të tyre Lulzimit, pak ditë më parë në vrasjen mizore që e tronditi gjithë shoqërinë.
Ndamë dhimbjen me familjen dhe të afërmit, si dhe ju shprehëm mbështetjen tonë të plotë për tejkalimin e kësaj dhimbjeje që na pikëlloi thellësisht të gjithëve.
Zoti ju dhashtë durim e forcë familjes! Urojmë që drejtësia ta thotë fjalën e saj në mënyrë meritore!/InLajmi/
