Vehbi Mujku ish drejtori i Qendrës për Punë Sociale në Prishtinë ka thënë se përgjegjësia prindërore është e madhe.
Mujku ka thënë se shumë fëmijë sot kanë qasje në mjete të ftohta, e për këtë thotë se është neglizhencë institucionale por fillimisht edhe familjare sepse sipas tij, problemi kyç fillon tek familja.
“Jemi shoqëri tej mase agresive qysh në rininë e hershme. Brenda vitit i kemi diku rreth 2.000 raste që lajmërojnë në stacione të policisë dhe janë me mijëra tjerë që nuk paraqiten”,ka thënë Mujku, duke shtuar se rastet që paraqiten në polici janë vetëm ato që nuk mund të shmangen.
“Mungon kontrolla e Policisë”, ka vijuar ai.
Ish drejtori i Qendrës për Punë Sociale në Prishtinë e ka përmendur edhe rastin që ndodhi vitin e kaluar në Serbi, ku janë dënuar edhe prindërit sepse janë përfshirë për mos-kujdesje, shkruan Dukagjini.
“Përgjegjësi prindërore është shumë e madhe. Duhet të punojmë me ata prindër, duhet t’i marrin dënimet”, ka shtuar Mujku.
