Megalodonët, peshkaqenët e mëdhenj prehistorikë të përshkruar në filma të tillë si “The Meg”, kishin trupa më të hollë sesa mendohej më parë, sipas një studimi të ri.
Mbeten shumë mistere rreth biologjisë së megalodonëve, por deri më tani, peshkaqenë të mëdhenj të bardhë ishin përdorur për të modeluar pamjen e tyre.
Por hulumtimi i ri nga një ekip i udhëhequr nga Kenshu Shimada, një paleobiolog në Universitetin DePaul në Çikago dhe Phillip Sternes, një kandidat për doktoraturë në Universitetin e Kalifornisë në Riverside, sugjeron se megalodonët kishin trupa më të dobët se sa mendohej.
Megalodoni Otodus ka jetuar më shumë se 23 milionë vjet më parë. Fosilet e gjigantit të zhdukur janë të vështira për t’u gjetur. Ndërsa ka shumë dhëmbë peshkaqenësh të fosilizuar, trupat e tyre kryesisht përbëhen nga kërc dhe jo kocka dhe rrallë ruhen.
Ky hulumtim i ri bazohet në rivlerësimin e një grupi jo të plotë të rruazave fosile të gjetura në Belgjikë.
Derisa hulumtimi i mëparshëm vlerësoi se ky megalodon i veçantë do të ishte i gjatë 9.2 metra, Shimada dhe bashk-ëautorët e tij thonë se individi në fakt ka qenë të paktën 11.1 metra, shkruan KlanKosova.
Shimada i tha CNN se rruazat fosile nuk do të kishin qenë mjaft të forta për të mbështetur një peshkaqen të kësaj gjatësi nëse do të kishte të njëjtën formë trupi si ai i menduari.
