Presidenti i FIFA-s, Gianni Infantino, ka dhënë një deklaratë shumë të fuqishme pas ngjarjes së mbrëmshme të portierit të Milanit, Mike Maignan, ndaj të cilit pati thirrje raciste.
“Ngjarjet e së shtunës në Udine dhe Shefilld janë absolutisht të neveritshme dhe krejtësisht të papranueshme. Nuk ka vend për racizëm apo forma të tjera diskriminimi, në futboll apo në shoqëri. Lojtarët e prekur nga ajo që ndodhi të shtunën kanë mbështetjen time të plotë. Është e nevojshme që të gjithë të interesuarit të veprojnë, duke filluar nga edukimi në shkolla, në mënyrë që brezat e ardhshëm të kuptojnë se kjo nuk është pjesë e futbollit dhe as e shoqërisë. Krahas procedurës trefazore, pezullimi i ndeshjes, ndërprerja e 2-të e ndeshjes, anulimi i ndeshjes, duhet të vendoset një penalizim për skuadrat, tifozët e të cilëve kanë qenë protagonistë të akteve të natyrës raciste duke shkaktuar kështu anulimin e ndeshjes”, tha ai, shkruan Lajmi.net.
“Ashtu siç duhet të zbatohen ndalimet e hyrjes në stadiumet në mbarë botën dhe të ngrihen kallëzime penale kundër atyre që kryejnë akte raciste. FIFA dhe bota e futbollit tregojnë solidaritet të plotë me viktimat e racizmit dhe çdo forme tjetër diskriminimi. Një herë e përgjithmonë: jo racizmit! Jo çdo forme diskriminimi!”, ka shkruar Infantino.
