Shërbimi i Kërkim-Shpëtimit Malor i Kosovës u ka bërë thirrje bjeshkatarëve, skitarëve dhe qytetarëve të kenë kujdes gjatë skijimit jasht shtigjeve të rregulluara apo ngjitjeve bjeshkatare në sipërfaqet e pjerrëta malore nga 30°-50°, e sidomos në shtigjet apo kalimet e ekspozuara, përcjell InLajmi.
Në njoftimu bëhet thirrje që të mos shkojnë të skijojnë vetëm, dhe të kenë kujdes gjatë skijimit në pyje, gropat e drunjëve janë të rrezikshme dhe vdekjeprurëse.
Tutje thuhet se nëse doni të zhvilloni aktivitete të ski-bjeshkatarisë doemos posedoni pajisjet obligative për siguri si Transmetuesin, lopatën, sondën, çantën e ndihmës së parë, helmetën, kazmën, kthetrat, veshmbathje adekuate dimërore, telefonin e karikuar, llampë dhe të gjitha pajisjet e tjera të nevojshme.
Këtë fundjavë sipas parashikimeve sinoptike pritet të kemi të rreshura bore në gjithë territorin e Republikës së Kosovës, e sidomos në viset malore. Të reshurat do të jenë të dendura dhe të përcjellura me erëra të fuqishme veriore.
Njoftimi i plotë nga SHKSHMK:
Vëmendje!
Të nderuar bjeshkatarë, skitarë dhe qytetarë!
Këtë fundjavë sipas parashikimeve sinoptike pritet të kemi të rreshura bore në gjithë territorin e Republikës së Kosovës, e sidomos në viset malore.
Të reshurat do të jenë të dendura dhe të përcjellura me erëra të fuqishme veriore.
Andaj të keni kujdes gjatë skijimit jasht shtigjeve të rregulluara apo ngjitjeve bjeshkatare në sipërfaqet e pjerrëta malore nga 30°-50°, e sidomos në shtigjet apo kalimet e ekspozuara.
Pas rreshjeve të borës pritni për 48 orë të tranzicionit të shtresave të borës.
Mos skijoni, ngjiteni të vetmuar!
Planifikoni itinerarin me kujdes dhe njoftoni të tjerët për atë!
Kujdes gjatë skijimit në pyje, gropat e drunjëve janë të rrezikshme dhe vdekjeprurëse!
Nëse zhvilloni aktivitete të ski-bjeshkatarisë doemos posedoni pajisjet obligative për siguri:
-Transmetuesin
-Lopatën
-Sondën
-Çantën e ndihmës së parë
-Helmetën
-Kazmën
-Kthetrat
-Veshmbathje adekuate dimërore
-Telefonin e karikuar
-Llampë,
dhe të gjitha pajisjet e tjera të nevojshme.
Për çdo urgjencë kontaktoni në numrat:
112 dhe +383 49 84 02 28. /InLajmi/
