Drejtori i Zyrës për Kosovë, Petar Petkoviq, të premten tha se përpjekja për shfuqizimin e transaksioneve të pagesave është një nga vendimet më të vështira të kryeministrit të Kosovës Albin Kurti, qëllimi i të cilit është eksodi i serbëve, transmeton InLajmi.
Ai i tha RTS-së se kur dikujt dëshiron t’ia heqësh rrogat dhe pensionet, bursat, të ardhurat materiale, është e qartë se kjo bëhet ndaj popullit serb.
“Ky është një vendim i paligjshëm dhe ne e kundërshtuam fuqishëm këtë mënyrë për të nëpërkëmbur popullin serb në”, tha Petkoviq.
Ai sqaroi se që në momentin e parë kur u kuptua qëllimi i zbatimit të atij vendimi, Beogradi filloi betejën diplomatike kundrejt këtij vendimi.
Petkoviq ka folur edhe për shkarkimin e kryetarëve në 4 komunat në veri të Kosovës, duke theksuar se mbledhja e nënshkrimeve për shkarkimin e kryetarit të Mitrovicës së veriut dhe atij të Leposaviqit tashmë ka përfunduar.
Sipas tij të premten do të fillojë mbledhja e nënshkrimeve edhe në Zveçan dhe Zubin Potok.
“Duhet që jo vetëm të zëvendësohen ata kryetarë të rremë jolegjitimë, por edhe të zëvendësohen këshilltarët jolegjitimë shqiptarë që u zgjodhën edhe në ato zgjedhje në prill të vitit të kaluar”, tha Petkoviq. /InLajmi/
