Partia e Re Demokratike e Serbisë, DSS konsideron se vendimi për ndalimin e përdorimit të dinarëve dhe pagesave ndërmjet Serbisë dhe Kosovës “është pasojë e drejtpërdrejtë e veprimeve antikushtetuese dhe antishtetërore të Presidentit të Serbisë Aleksandar Vuçiq dhe regjimit të tij”, transmeton InLajmi.
Partia opozitare përmes një komunikate shkruan se pasi mundësoi lëvizjen e lirë të automjeteve me targa të “krijimtarisë secesioniste” në mbarë Serbinë, kjo lëvizje e autoriteteve në Prishtinë është tjeetër dëshmi e “thyrejes së plotë” të një politikë e zhvilluar që nga viti 2008 dhe që u intensifikua me ardhjen në pushtet të progresistëve.
“Politika e Aleksandar Vuçiqit dhe Partisë Progresive Serbe, SNS, e cila reflekton tërheqje dhe dorëzim të vazhdueshëm, paraqet një tjetër kërcënim të madh për mbijetesën e serbëve në Kosovë. Zbatimi i tij do të kërcënonte mbijetesën e tyre ekonomike, prandaj nevojiten masa urgjente. Është momenti i fundit për një përgjigje vendimtare nga shteti i Serbisë”, thuhet në deklaratën e Partisë së Re Demokratike të Serbisë.
Në deklaratë tutje thuhet se si “fillim duhet të ndërpritet menjëherë politika e koncesioneve ndaj secesionistëve shqiptarë, sepse çdo koncesion i ri interpretohet si dobësi dhe rast për kërkesa dhe presione të reja”.
“Perëndimi dhe Prishtina e kuptuan se prioriteti absolut i regjimit aktual në Beograd është të qëndrojë në pushtet dhe jo të ruajë Kosovën dhe interesat tona jetike kombëtare. Me këtë sjellje kapitulluese, struktura në pushtet bleu mbështetjen e Perëndimit për dhunën ligjore dhe politike në vend”, përfundon Partia e Re Demokratike”. /InLajmi/
