Zyrtari i lartë i PDK-së, Betim Gjoshi, reagon pas ndaj ministrit të Punëve të Brendshme Xhelal Sveçla ku tha se raportimet për ‘’ikje masive’’ të qytetarëve janë të pavërteta përcjell InLajmi.
Gjoshi tha se manipuluesi Xhelal Sveçla, që u bë Ministër i Brendshëm në Qeverinë që drejtohet nga kryemanipuluesi, Albin Kurti, të cilët së bashku sulmonin Policinë e Institucionet me koktej molotovi, po sulmojnë mediat me etiketa të ndryshme me qëllim të frikësimit të tyre.
Tutje ai shton se kur qytetarët e Kosovës po përballen me jetën e shtrenjtë që solli Qeveria e Vetëvedosjes, veç Albin Kurtin mund ta dëgjoni duke thënë se vendet tjera as në ëndërr nuk i shohin rezultatet e Qeverisë së tij.
Postimi i plotë i tij:
Manipuluesi Xhelal Sveçla, që u bë Ministër i Brendshëm në Qeverinë që drejtohet nga kryemanipuluesi, Albin Kurti, të cilët së bashku sulmonin Policinë e Institucionet me koktej molotovi, po sulmojnë mediat me etiketa të ndryshme me qëllim të frikësimit të tyre.
Janë mësuar këta të padijshëm që s’dijnë të bëjnë asnjë punë në të mirë të qytetarëve, që të manipulojnë me të dhëna e të shpifin për çdokënd që mendon ndryshe e prezanton gjendjen e vërtetë në terren.
Sot kur qytetarët e Kosovës po përballen me jetën e shtrenjtë që solli Qeveria e Vetëvedosjes, veç Albin Kurtin mund ta dëgjoni duke thënë se vendet tjera as në ëndërr nuk i shohin rezultatet e Qeverisë së tij.
Kryeministër dhe Ministër, shkoni në aeroport e mos gënjeni me statistika dhe mësojeni të vërtetën se çfarë po ndodhë me demografinë e shtetit tonë.
Kryeministër dhe Ministër, shkoni në aeroport dhe jepni fund ëndrrave dhe gënjeshtrave.
Përballuni me realitetin dhe ofroni zgjidhje të problemeve./InLajmi/
