Të premnen mbi vendin tonë do të mbajë mot mjaft i ngrohtë për këtë periudhë kohore, ndërkohë që fronti nga veriu afrohet gradualisht. Gjatë ditës priten intervale kohore me diell e vranësira që në disa zona mund të kushtëzojnë ndonjë rigë ose rrebeshe lokal shiu.
Në mbrëmje ardhja e frontit të ftohtë nga veriu dhe reshje bore do të fillojnë së pari në veriun e skajshëm të Republikës së Kosovë për tu shtrirë orëve të ardhshme në gati tërë territorin e Republikës. Gjatë natës reshje bore në tërë Kosovën ku pritet krijimi i shtresave të borës, normalisht diku më shumë e diku më pak.
Në Shqipëri nesër pritet të mbajë mot me vranësira dhe intervale kohore me diell, ndërkohë që edhe rigat e shiut vazhdojnë herë pas here në disa zona të caktuara ku mund të ketë edhe ndonjë rrebesh lokal shiu. Vonë gjatë natës vjen fronti i ftohtë që sjellë reshje bore në veri dhe verilindje të vendit. Në viset tjera do të rifillojnë reshjet e shiut.
Në Maqedoninë Veriore nesër mjaft ngrohtë për këtë periudhë kohore dhe rrallëkund me ndonjë reshje sporadike. Priten rrymime të fuqishme ajrore nga jugu, vranësira e intervale kohore me diell.
Vranësira e riga shiu nesër priten në Mal të Zi e në mbrëmje në veri reshje të dendura bore, ndërsa në Luginën e Preshevës nesër ngrohtë, me vranësira e intervale kohore me diell. Reshjet e borës fillojnë natën edhe në Luginë.
