Rukiqi: Kjo qeverisje amatore, po na vjen me faturë të lartë, na ka hy thellë në xhep!

Zyrtari i Lidhjes Demokratike së Kosovës, Berat Rukiqi reagon për çmimet e larta energjike duke i theksuar 3 arsye, përcjell InLajmi.

Rukiqi si asrsye të parë i cilëson vonesat në remontet e termocentraleve.

Po ashtu tenderat abuzues në KEK dhe kontratat e dyshimta për shitblerjen e energjisë elektrike thotë se kanë ndikuar në rritje.

Ai tutje shton se refuzimi i termicentralit me gaz dhe dështimi i ankandit 4 herë rradhazi, për prodhim të energjisë nga burimet solare, janë treguesi më i mirë i paaftësisë në qeverisjen me sektorin e energjisë.

Postimi i plotë i tij:

3 arsyet bazë kemi çmime të larta të energjisë elektrike

1. Vonesat në remontet e termocentraleve, kanë shkaktuar rritje të importeve të paplanifikuara të energjisë elektrike. Importet e paplanifikuara, vijnë me çmime të larta. Faturën e paguajnë qytetarët, e fitimin e marrin ortakët e Martin Berishes.
2. Tenderat abuzues në KEK dhe kontratat e dyshimta për shitblerjen e energjisë elektrike.
3. 0 (zero) investime në kapacitete të reja për prodhim të energjisë elektrike. Refuzimi i termicentralit me gaz dhe dështimi i ankandit (4 herë rradhazi), për prodhim të energjisë nga burimet solare, janë treguesi më i mirë i paaftësisë në qeverisjen me sektorin e energjisë.

Kjo qeverisje amatore, po na vjen me faturë të lartë. Na ka hy thellë në xhep./InLajmi/