Ministrja e Ekonomisë Artane Rizvanolli, në seancën e jashtëzakonshme të Kuvendit të Kosovës ka thënë se Kosova ka çmimet më të ulëta në rajon dhe Evropë, raporton InLajmi.
“Kur flasim për energjinë elektrike, Kosova është me çmimin më të lirë në rajon dhe Evropë. Vitet e fundit kanë qenë sfiduese në sektorin e energjisë, kriza u përballua në mënyrën më të mirë të mundshme”, ka thënë ajo.
Rizvanolli tha se kanë pasur një bashkëpunim të shkëlqyeshëm me Shqipërinë.
“Patëm një bashkëpunim të shkëlqyeshëm me Shqipërinë. Kosova mbetet shteti me çmimin e energjisë elektrike më të lirin në rajon”, ka shtuar ministrja.
Ajo ka përmendur se qeveria i ka ndihmuar qytetarët dhe bizneset përmes subvencionimit, i cili do të bëhet direkt në faturë, i ndarë në 6 këste mujore, duke filluar nga fatura e janarit. /InLajmi/
