Presidentja e vendit Vjosa Osmani tash e 2 vite nuk po fal asnjë të burgosur përkundër kërkesava nga ana e Shërbimit Korrektues të Kosovës.
E lidhur me këtë ajo ka treguar edhe aryset.
Osmani ka thënë se ka ligje dhe rregulla të cilat duhet respektuar e duhet të respektohen.
“Gjitha përgjigjet për këtë çështje janë dërguar zyrtarisht nga Presidenca. Edhe sa i përket procedurave edhe sa i përket arsyetimeve edhe komisionit për falje. Ka ligje dhe rregulla të cilat duhet respektuar e duhet të respektohen”, ka thënë Osmani për Lajmi.net.
Po ashtu gjatë ditës së sotme në pjesë veriore të vendit është mbajtur peticioni lidhur me shkarkimin e kryetarëve të komunave të Mitrovicës së Veriut dhe Leposaviqit.
Lidhur me këtë është deklaruar edhe e para e vendit, Vjosa Osmani.
Ajo ka thënë se peticioni i nisur nga serbët e Kosovës për shkarkimin e kryetarëve në veri të vendit është e drejtë dhe se ky fakt duhet respektuar.
