Rada Trajkoviq, politikane nga Kosova, në emisionin Novi dan tha se shpërthimi i mbrëmshëm i bombës në Mitrovicë është një mesazh për serbët nga veriu i Kosovës se mund ta kenë fatin sikur Oliver Ivanoviq, transmeton InLajmi.
“Ky është në fakt mesazhi. Kur shteti nuk punon për gjendjen e sigurisë në veri të Kosovës, ka një ndikim shumë të fortë te qytetarët. Shteti vazhdon t’i lërë të dominojnë njerëzit që kanë marrë pjesë në organizimin e vrasjes së Oliver Ivanoviqit dhe lajmet si ky nuk janë befasi. Ky është një mesazh, para së gjithash, për serbët nga veriu i Kosovës: “Ne jemi këtu! Nëse nuk jeni besnik, mund të kaloni të njëjtën rrugë si Oliveri”, tha Trajkoviq për N1.info.rs.
Kujtojmë se në orët e vona të së hënës në veri të Mitrovicës ka ndohur një shpërthim i një granate dore ku u plagosën 2 persona. Njëri nga të plagosurit ka pësuar lëndime më të rënda, por ndodhet jashtë rrezikut për jetë./InLajmi/
