Zëvendëskryeministrja Donika Gërvalla, në një konferencë për media ka thënë se sa i përket Draftit që na është dorëzuar në shtator dhe për të cilin Kryeministri ka qenë i gatshëm për zgjidhje duke e vlerësuar shprehjen e urgjencës nga kreyshtetasit evropian për çështjen e dialogut Kosovë-Serbisë, përcjell InLajmi.
Gërvalla tha se duke lënë mënjanë shqetësimet dhe komentet që kemi paraqitur me shkrim ndaj Draftit, të ulen palët dhe të nënshkruajnë të 3 dokumentet. Marrëveshjen e 27 shkurtit, aneksin e marsit dhe Draftin.
“Sa i përket Draftit që na është dorëzuar në shtator dhe për të cilin Kryeministri në tetor ka thënë se nëse kryeshtetasit evropian që kanë qenë në Samitin kanë ana e tyre kanë shprehur urgjencë, që të trajtohet çështja e një marrëveshje mes Kosovës dhe Serbisë, atëherë kryeministri ka ofruar aty për aty zgjidhje, duke lënë mënjanë shqetësimet dhe komentet që kemi paraqitur me shkrim ndaj Draftit, të ulen palët dhe të nënshkruajnë të 3 dokumentet. Marrëveshjen e 27 shkurtit, aneksin e marsit dhe Draftin”, tha ministrja.
Zëvendëskryeministrja tha se në këto rrethana Kosova do të idhte e gatshme duke iu përgjigjur urgjencës së partnerëve për të implementuar dhe për të pranuar të 3 dokumentet e nënshkruara nga 2 palët.
Tutje ajo tha se BE duhet të mendoj se cila është rrugë në të ardhmen, si do veprojë jo vetëm me marrëveshjet Kosovë-Serbi, por cila është perspektiva e vitit 2024, do të vazhdojë BE me ledhatimin e Serbisë dhe injorimin e rrezikut, apo do të ketë një ndryshim në qasje.
“Në këto rrethana Kosova do të ishte e gatshme duke iu përgjigjur urgjencës së partnerëve për të implementuar dhe për të pranuar të 3 dokumentet e nënshkruara nga 2 palët. BE atë natë s’ka qenë në gjendje të sjell Serbinë dhe nënshkrimet e Serbisë në tavolinë. Prandaj komentet tona për Draft-in mbeten aktuale sepse ai shans që e patëm atë natë nuk arriti të realizohet. Unë e shoh që ka pasur një shans unik, mirëpo pritjet që Serbia do të jetë konstruktive në dialog nuk u vërtetuan atë natë. BE-ja duhet të mendoj mirë se cila është rrugë në të ardhmen, si do veprojë jo vetëm me marrëveshjet Kosovë-Serbi, por cila është perspektiva e vitit 2024, do të vazhdojë BE-ja me ledhatimin e Serbisë dhe injorimin e rrezikut, apo do të ketë një ndryshim në qasje”, ka thënë Gërvalla. /InLajmi/
