Shtëpitë janë përfshirë nga zjarri në qytetin islandez të Grindavik pasi 2 çarje vullkanike u hapën aty pranë.
Një vullkan në gadishullin Reykjanes shpërtheu në orët e para të së dielës, nga i cili është shpërndarë një llavë në qytetin e peshkimit.
Shpërthimi po rezulton të jetë “skenari më i keq” sipas një eksperti, me të gjithë popullsinë e qytetit duke u evakuuar.
Pjesët e ndërtuara si “mbrojtje” pas një shpërthimi në dhjetor kanë ndalur pjesërisht llavën, por disa janë thyer.
Veç kësaj, rruga kryesore për në qytet është ndërprerë nga rrjedha e llavës.
Duke iu drejtuar kombit në një transmetim të drejtpërdrejtë të dielën në mbrëmje, presidenti i Islandës Gudni Johannesson u bëri thirrje njerëzve që “të qëndrojnë së bashku dhe të kenë dhembshuri për ata që nuk mund të jenë në shtëpitë e tyre”.
Ai tha se shpresonte se situata do të qetësohej, por se “çdo gjë mund të ndodhë”, raportoi agjencia e lajmeve AFP.
Ndryshe, lëkundje të forta tërmeti i paraprinë shpërthimit të dhjetorit në sistemin vullkanik Svartsengi.
Në javët që pasuan, u ndërtuan mure rreth vullkanit për të ndryshuar rrjedhën e “shkëmbinjëve të shkrirë” nga Grindavik, shtëpia e rreth 4.000 njerëzve.
Zyra Meteorologjike Islandeze tha se barrierat ishin thyer në disa vende, duke lejuar që llava të arrinte në qytet dhe më pas u dogjën shtëpi dhe ndërtesa, shkruan Telegrafi.
Nuk kishte asnjë indikacion për ndërprerje të fluturimeve të brendshme apo ndërkombëtare pas shpërthimit. Fluturimet nga aeroporti i afërt Keflavik po funksiononin normalisht të hënën në mëngjes.
https://twitter.com/ChaudharyParvez/status/1746792764027838513?ref_src=twsrc%5Etfw%7Ctwcamp%5Etweetembed%7Ctwterm%5E1746792764027838513%7Ctwgr%5Ef7e0bb8751e100e85456771d1d810592784e5833%7Ctwcon%5Es1_&ref_url=https%3A%2F%2Ftelegrafi.com%2Fpamje-te-tjera-te-vullkanit-ne-islande-aty-ku-llava-e-shperndare-gelltiti-edhe-disa-shtepi%2F
https://twitter.com/TheWatcherDaily/status/1746715471380922826?ref_src=twsrc%5Etfw%7Ctwcamp%5Etweetembed%7Ctwterm%5E1746715471380922826%7Ctwgr%5Ef7e0bb8751e100e85456771d1d810592784e5833%7Ctwcon%5Es1_&ref_url=https%3A%2F%2Ftelegrafi.com%2Fpamje-te-tjera-te-vullkanit-ne-islande-aty-ku-llava-e-shperndare-gelltiti-edhe-disa-shtepi%2F
