Kryetari i Partisë Demokratike të Kosovës Memli Krasniqi, me kolegë e bashkëpunëtorët e partisë së tij bënë homazhe në Kompleksin Përkujtimor në Reçak, për të kujtuar 45 viktimat e masakrës, përcjell InLajmi.
Krasniqi tha se masakra e Reçakut është një krim mizor dhe me paramendim kundër njerëzimit i cili vulosi qëllimin politik të Serbisë dhe agjendën e saj për të kryer gjenocid dhe spastrim etnik në Kosovë.
Ndërsa me dhimbje kujton viktimat, kreu i PDK-së vlerësoi lartë kontributin e ambasadorit William Walker, i cili 25 vjet më parë, nga vendi i ngjarjes në Reçak, krimin e quajti me emrin e të tij të vërtetë.
Tutje Krasniqi theksoi se Kosova nuk do të hesht asnjëherë për krimet ndaj popullatës civile shqiptare, gjatë luftës së viteve 1998/99, derisa drejtësia të vihet në vend për secilën viktimë.
Postimi i plotë i tij:
Sot, bashkë me kolegë dhe bashkëpunëtorë nga PDK, bëmë homazhe tek Kompleksi Përkujtimor në Reçak, për të kujtuar 45 viktimat e kësaj masakre, e cila, edhe 25 vjet më pas, mbetet dhembja jonë e madhe.
Një krim mizor dhe me paramendim kundër njerëzimit i cili vulosi qëllimin politik të Serbisë dhe agjendën e saj për të kryer gjenocid dhe spastrim etnik në Kosovë.
Gjithmonë, e posaçërisht sot, vlerësojmë lartë kontributin e Ambasadorit William Walker, i cili, çerek shekulli më parë, nga vendi i ngjarjes në Reçak, krimin e quajti me emrin e të tij të vërtetë.
Kosova nuk do të hesht asnjëherë për krimet ndaj popullatës civile shqiptare, gjatë luftës së viteve 1998/99, derisa drejtësia të vihet në vend për secilën viktimë të vendit tonë.
Lavdi martirëve të Reçakut! /InLajmi/
