Kryetari i Kuvendit të Kosovës Glauk Konjufca, është shprehur se Masakra e Reçakut ishte ndër aktet më mizore të regjimit së Serbisë, raporton InLajmi.
Konjufca tha se pas Reçakut, bota demokratike e kuptoi se gjuha të cilën e njeh Serbia është gjuha e forcës, sepse nuk do të ndalej lufta dhe masakrat që po i kryente gjithandej Kosovës.
Tutje ai tha se gjithmonë do të mblidhemi këtu, për t’i kujtuar edhe martirët e Reçakut, dhe dëshmorët që ranë në përpjekje për të mbrojtur popullatën civile të Reçakut.
“Ky ishte njëri ndër aktet më mizore të regjimit së Serbisë, e po ashtu për botën demokratike shënoi edhe vijën e kuqe për Serbinë okupatore që i solli edhe bombardimet e NATO-s pastaj. Gjë që i hapi rrugë edhe çlirimit të plotë të Kosovës. Pas Reçakut, bota demokratike e kuptoi se gjuha të cilën e njeh Serbia është gjuha e forcës, sepse nuk do të ndalej lufta dhe masakrat që po i kryente gjithandej Kosovës. Prandaj, gjithmonë do të mblidhemi këtu, për t’i kujtuar edhe martirët e Reçakut, e edhe dëshmorët që ranë në përpjekje për të mbrojtur popullatën civile të Reçakut”, ka shtuar ai. /InLajmi/
