Kryetar i Aleancës për Ardhmërinë e Kosovës Ramush Haradinaj, ka bërë homazhe në Reçak duke thënë se para 25 vitesh, një akt ç’njerëzor tronditi mbarë botën demokratike dhe shtyri Perëndimin të mobilizohej dhe të ndalojë me forcë shfarosjen e një populli të tërë, përcjell InLajmi.
Haradinaj tha se Masakra e Reçakut, mbetet simboli i krimit gjenocidal që aparatura shtetrore ushtarake serbe kreu në Kosovë.
Kreu i AAK-së u shpreh mirënjohës ndaj ambasadorit amerikan William Walker, që e përkufizoi këtë masakër si krim kundër njerëzimit, në të njëjtën kohë, falënderoi Amerikën e cila ishte krah Kosovës në të gjitha periudhat historike.
Tutje ai tha se në këtë përvjetor të masakrës së Reçakut, theksohet edhe më shumë nevoja për stabilitet dhe më shumë paqe në rajon e botë. Kosova është e gatshme të japë kontributin e saj duke qenë në rresht si anëtare e NATO-s së udhëhequr nga miqtë tanë, SHBA-të
Postimi i plotë i tij:
Para 25 vitesh, një akt ç’njerëzor tronditi mbarë botën demokratike dhe shtyri Perëndimin të mobilizohej dhe të ndalojë me forcë shfarosjen e një populli të tërë.
Masakra e Reçakut, mbetet simboli i krimit gjenocidal që aparatura shtetrore ushtarake serbe kreu në Kosovë. Ajo bëri kthesën e madhe historike duke prekur thellë në ndërgjegjjen e kombeve të fuqishme për të lëvizur me NATO-n në krye me SHBA-të.
Sot, në nderim martirëve të kësaj masakre, kam bërë homazhe në Kompleksin Përkujtimor në Reçak.
Me respekt të thellë do të kujtojmë gjithmonë ata që me flijimin e tyre u bënë themelet e lirisë sonë!
Mirënjohës përjetë Ambasadorit amerikan, William Walker, që e përkufizoi këtë masakër si krim kundër njerëzimit. Në të njëjtën kohë, falënderojmë Amerikën e cila ishte krah nesh në të gjitha periudhat historike.
Në këtë përvjetor të masakrës së Reçakut, theksohet edhe më shumë nevoja për stabilitet dhe më shumë paqe në rajon e botë. Kosova është e gatshme të japë kontributin e saj duke qenë në rresht si anëtare e NATO-s së udhëhequr nga miqtë tanë, SHBA-të. /InLajmi/
