Mijëra fermerë ‘’pushtuan’’ përsëri qytetin e Berlinit me traktorët e tyre.
Sipas policisë, 6.000 automjete dhe rreth 8.500 persona kanë mbërritur sot për të protestuar para Portës së Brandenburgut.
Ministri i Financave Christian Lindner doli në skenë për të justifikuar planet e qeverisë për të shkurtuar subvencionet, por u prit me kundështime.
Lindner tha se ishte i hapur për të lehtësuar barrën e sektorit në fronte të tjera.
Siç pritej, subvencioni për naftën bujqësore duhet të anulohet nga qeveria e Olaf Scholz.
Fillimisht, ishte menduar të hiqej menjëherë, por tani qeveria po propozon një tërheqje me faza për 3 vjet, shkruan ATSH.
Megjithatë, një kompromis që fermerët vazhdojnë ta refuzojnë. Tashmë protestat e fermerëve po vazhdojnë prej më shumë se një jave në të gjithë vendin.
